BERBUKA PUASA DENGAN KURMA..

Hari ani hari ke-4 tani semua umat Islam di bumi Brunei Darussalam menjalankan ibadah puasa.. Inda terasa, 4 hari sudah rupanya tani puasa.. Capat masa atu berlalu.. (Inda masa kan menunggu kau Awang Q')..

Hari pertama masuk sekolah~.. Eh, bukan.. Hari pertama puasa, kediaku sungkai di rumah saja bersama dengan keluarga ku.. Tentu sekali kami berbuka dengan kurma.. Sunnat.. Inda jua payah untuk mendapatkan pahala sunnat atu ah..

Bukan plg kurma ani yang kami makan.. Copy paste dari google.com saja ni lai..

Hari ke-2 puasa, aku sungkai di opis Pelangi sama dorang Aliff & Ryan.. (Ofcourse kami sungkai makan kurma terlebih dahulu..) Pasal apa kediaku sungkai di sana, pasalnya kediaku teringin ikut meliat dorang Zaty sama Addy recording Suara Pelangi arah Adi Rani..

Addy & Q'

Zaty, Aliff & Q'

Diddy, Zaty, Q' & Aliff

Siuk eh ada production sendiri ah.. Hope one day, kediaku ada production sendiri jua.. Amin.. Lapas recording atu, kami ke Kuminis.. Dorang Aliff, Addy & Zaty membali CD.. Lapas abis sesi membali CD, ke Pasar Malam kami membali makanan.. Planning awal-awal, cAddy saja kan membali ani.. Sekalinya, semua kami membali makanan.. Hahaha..

Addy & Zaty (Ada apa-apa ke?? No komen..)

Addy & Zaty (Btw, Ka Zaty, straw yang kita cari-cari atu, masih ada arah kereta ku.. Sakit parut ku ketawa eh..)

Balik ke rumah, ampar.. Walaupun kediaku lalah, gatal tia jua tangan ku atu kan membuka laptop ku atu.. Sekalinya, mengakas tia ku kan melawat blog ku yang lama atu.. Baru tah ku cuba buat blog lagi.. Keesokan harinya, aku akhir datang keraja.. Kalat mata ku di opis bui.. Pikir tah aku sorang saja yang kalat mata ani, rupanya dorang di opis ku pun kalat mata jua.. ZzzzZZzzzZz.. (Sleepy..)

Hari ke-3 puasa (kemarin), aku sungkai di rumah saja sama keluarga ku.. Makan soto.. Nyum-nyum.. Tapi ofcourse makan kurma dulu.. (Memajal jua aku atu kan menaip makan kurma atu ah.. - Pasal atu aku buat title ani "BERBUKA PUASA DENGAN KURMA..").. Hehehe..

(N.B: Aku rapat sama dorang DJ-DJ Pelangi bukan kerana ingin mengejar populariti or what so ever.. Dorang saja tau aku berkawan sama dorang, ikhlas atau sebaliknya..)