SUNGKAI DI WYWY LAMBAK..

Waktu Berbuka Hari Ini: 6.25pm..

Assalamualikum & Selamat Malam buat semua pembaca-pembaca blog kediaku.. (Macam ramai saja yang baca blog kediaku ani.. Hahaha..)

Hari ani (6th Sept 2008), kediaku berbuka puasa di WYWY Lambak sama dorang DJ-DJ Pelangi yang lain.. (Patutkah aku taip "DJ-DJ Pelangi" atu ah?? Karang kana ucap tumpang popular.. Well, mana saja biskita kan cakap apa lah.. Atu mulut biskita.. Inda jua dapat kediaku tutup-tutup mulut biskita atu.. FYI: Mulut ku bau kasturi plg.. Hehehe..)

Yang penting, siuk berabis lah tadi jumpa sama dorang DJ-DJ Pelangi ah.. Membari sakit parut ketawa.. Ada-ada saja benda yang cali yang kan di ketawakan.. Hehehe.. Yang datang tadi: Aliff, Zaty, Ryan, Addy, Ashraff, Zack, Razi, Bismie, Achik, Diddy, dan rakan-rakan yang lain ada jua.. Gambar-gambarnya, nanti tah kedaiku upload pasalnya kediaku inda bawa camera.. Iatah menumpang bergambar saja arah camera bisdorang tadi.. Tunggu dorang bagi, baru tah dapat di upload dalam blog ani.. Hehehe..

Satu gambar saja baru ada.. Ani waktu kediaku otw ke WYWY..