CERITA SEMALAM

Kan di jadikan cerita, semalam lapas kediaku meliat wyg FAST & FURIOUS 4, kami (kediaku, Addy, Aliff & Ryan) dinner di Jerudong makan ayam salai.. Nyaman wo.. Maybe pasal kediaku lapar atu jua kali.. Atau andang ayam salainya nyaman pakah.. Tungking nya abis.. Sia-sia pun.. ;p..

Di pindikkan cerita, kediaku sampai di rumah b4 12am.. Iatah, masa kediaku kan ke kamar mandi kan, beberapa saat sebelum pukul 12am tepat, ada kuyuk-kuyuk menyalak bah nyamu.. Macam teliat hantu bah kuyuk-kuyuk ah.. Tepat pukul 12 tangah malam bah kuyuk menyalak ah.. Membari ijap.. Kambang bulu roma kediaku selajur.. Esh.. Ada-ada saja bah.. Then, inda lama sangat, sunyi tia selajur bunyi kuyuk ah.. Makin tah lagi kediaku ijap.. Hahaha.. Terbayang-bayang tah lagi kediaku kan ceta JANGAN TEGUR ah.. Kegilaan.. Adui..

Atu saja dulu cerita kediaku untuk hari ani.. Sampai jumpa lagi.. Chawer.. Hahaha.. ;p..

FAST & FURIOUS 4

Semalm kediaku meliat wayang FAST & FURIOUS 4 sama dorg Aliff, Addy & Ryan.. Kediaku bagi 4 bintang dari 5 bintang untuk cetanya.. Kediaku suka berabis masa dorg belumba dalam terowong.. Very nice!! Kalau banar2 bah bisia dapat selamat dari terowong atu, handal tahap babun tah tu dorg atu.. Memang siuk lah cetanya.. I very the like~.. Hehehe..

Baik tah biskita meliat sendiri la.. Sendiri biskita bagi komen.. Hahaha.. ;p.. Apa pun, cetanya memang best.. Atu pun kalau biskita suka meliat ceta-ceta yang belumba-lumba..