Inda jua terasa masa atu berlalu dengan capat ah.. Masa inda akan menanti & inda akan beranti.. Lalalala~..
Raya ke-3 (4hb Oktober 2008), pagi atu kediaku start kaja.. Boring plg, tapi mesti jua datang.. Jangan tah cerita pasal keraja kediaku.. Lapas keraja, kediaku sama kediaku punya rakan sekerja (Hashim sama Boolkie & kawannya), kami ke rumah rakan sekerja kami Haji Sulaiman di Kiarong.. Nyum nyum nyum.. Makan open house.. Lapar kediaku pasal inda makan tengah hari.. Thanks Haji Sulaiman.. Nyaman makanan kita ah.. Kediaku tau kita baca kediaku punya blog ani tapi inda kita bagi komen ah.. Hehehe..
Gambar bawah ani, kediaku punya anak buah (Safwan) beraksi semasa kediaku keraja masa pagi atu..
Gambar bawah ani plg, Hana (anak buah cQ') kalat mata.. Kiut!!
Malamnya, kediaku sama keluarga ke airport ngantat kediaku punya cousin belayar sambung pelajaran di luar negara.. Congratz Nai!! (Inda kediaku sampat ambil gambar masa di airport.. Berjurit bah jelama di airport ah..) Lapas atu, kami beraya arah keluarga kami di Rimba.. Makan soto sama satay yo!! Liat tia gambar kediaku rakus ah..
Bida usul kediaku makan soto ah.. Lapar & larap usulnya..
BIDA!! Tapi kediaku upload jua.. Hahahaha.. Biskita berani kan mengupload gambar bida biskita?? Macam tah gambar biskita semuanya lawa & bisai.. ;p.. Inda bah, kalau usul kediaku macam ani, (Jauh palis!! Bukan plg kediaku minta-minta..) masih kah kawan-kawan kediaku terima kediaku seadanya ah?? Ada kali yang inda mengakun kediaku sebagai kawan kali eh.. Tapi kediaku pasti ada jua yang dapat terima kediaku seadanya.. Thanks pals!!
Q' sama sataynya.. Nyaman sataynya lai.. Sia-sia pun..
No comments:
Post a Comment